Qayguli sevgi » MurodBek.net - Самые Новые Узбекские Песни

0

Qayguli sevgi

  • Опубликовал: Murod(abadiy)
  • Дата: 08/06/2018, 18:46
  • Просмотров: 14

Yolg‘izlikdan yig‘lar, olovli dil cho‘g‘,  

Darddengizlar oqdi ko‘zda yoshimdan,  

Ayrildim, sevgimdan bir qanotim yo‘q,  

Qayg‘uli muhabbat o‘tdi boshimdan. 

 

Osmon hayqiradi, chaqmog‘in chaqib,  

Tushimda ko‘zlari qilmoqda ta’qib,  

Yig‘layman, shu xasta holimga boqib,  

Qayg‘uli muhabbat o‘tdi boshimdan. 

 

Go‘yoki yonimga kelayotganday, 

Bag‘rimda jim nafas olayotganday, 

Har lahza qo‘ng‘iroq qilayotganday,  

Qayg‘uli muhabbat o‘tdi boshimdan. 

 

O‘zimni qo‘yarga joy topolmayman,  

Qanchalik urinmay unutolmayman,  

Qop-qorong‘u dilni yoritolmayman,  

Qayg‘uli muhabbat o‘tdi boshimdan. 

 

Lablarim titraydi, ismingni aytib,  

Nahotki kelmaydi endi u qaytib,  

Xazonyo‘l bog‘larni yurarman daydib,  

Qayg‘uli muhabbat o‘tdi boshimdan. 

 

Kimdir hayron aytar, sevish shartmi der,  

Sevgi shunday dardki yuragingni yer,  

Qaydasan, kim bilan, kel qo‘lingni ber,  

Qayg‘uli muhabbat o‘tdi boshimdan. 

 

Nahotki ayrildim men endi undan,  

Qaytib ko‘rmaymanmi qurqaman shundan,  

Qalbi sovidimi shunchalar mendan,  

Qayg‘uli muhabbat o‘tdi boshimdan. 

 

Men seni hech kimga bermayman derdi,  

Sensiz hatto tush ham ko‘rmayman derdi,  

Sendan yo‘llarimni burmayman derdi,  

Ayrilib qoldim oh, omadqushimdan,  

Qayg‘uli muhabbat o‘tdi boshimdan. 

 

Qay devorga uray yolg‘iz boshimni, 

Olib ketdi axir mening borimni. 

Ahad yig‘lar chertib siniq torini.  

Qayg‘uli muhabbat o‘tdi boshimdan. 


DO'STLARINGA TAVSIYA ET!!!

Коммент

    Всего комментариев: 0
    avatar
    Наверх © 2018 | by Coder Murod (Abadiya) |